ШҮҮХИЙН БАГ ТАМИРЧИД ДАРТСЫН ТЭМЦЭЭНД АМЖИЛТТАЙ ОРОЛЦЛОО

• 2019-02-15

Баян-Өлгий аймгийн Прокурорын газраас тус аймгийн хууль хяналтын байгууллагуудын ажилтан, албан хаагчдын дунд “Цэц мэргэн” дартсын дагнасан тэмцээнийг тус аймагт анх удаа 2019 оны 2 дугаар сарын 15-ны өдөр зохион байгуулсанд нийт 11 байгууллагын 55 албан хаагч оролцжээ.

Баг тус бүр 5 гишүүнтэй оролцсон уг тэмцээнд шүүхийн байгууллагыг төлөөлж Ерөнхий шүүгч С.Өмирбек ахлагчтай, мэргэжилтэн А.Ахмерей, шүүгчийн туслах М.Ерлан, М.Айдынгүл, орчуулагч Ж.Ахмарал нарын бүрэлдэхүүнтэй баг амжилттай оролцож, тусгай байранд шалгаран, тэмцээний удирдамжийн дагуу “Цэцэн тамирчин”-аар шалгарсан байна. Тэмцээний дүнгээр аймгийн Прокурорын газрын баг 1 дүгээр байр, Зэвсэгт хүчний 331 дүгээр ангийн баг 2 дугаар байр, Мэргэжлийн хяналтын газрын баг тамирчид 3 дугаар байрыг тус тус эзэлжээ.

ШҮҮХИЙН ТАМГЫН ГАЗАР

2019-02-19