Баян-Өлгий аймаг дахь шүүх

ДАРТСЫН СПОРТЫН “ЧАНСАА: 2019-09” АНХДУГААР ТЭМЦЭЭН АМЖИЛТТАЙ ЗОХИОН БАЙГУУЛАГДЛАА

2019-10-01

Баян-Өлгий аймагт дартсын спортыг хөгжүүлэх, сурталчлах, дартс сонирхогчдын ур чадварыг сайжруулах, шинэ тамирчдыг нэмэгдүүлэх зорилгоор аймгийн аварга шалгаруулах, чансаа тогтоох анхдугаар тэмцээнийг аймгийн Шүүхүүдийн дэргэдэх дартсын спортын “Дэнс” клуб, Прокурорын газрын дэргэдэх “Цэцэн” клуб хамтран 2019 оны 9 дүгээр сарын 28-ны өдөр аймгийн спортын цогцолборт зохион байгууллаа. Тус тэмцээнд аймгийн хууль, хяналтын байгууллагуудын нийт 26 тамирчин оролцож, авхаалж самбаа, ур чадвараа сорин өрсөлдсөн байна.

Тус тэмцээн нь эрэгтэй, эмэгтэй ганцаарчилсан төрлөөр явагдсан бөгөөд эрэгтэйчүүдийн ганцаарчилсан төрөлд 1-р байранд Баян-Өлгий аймгийн Шүүхийн “Дэнс” дартсын клубийн тамирчин, шүүгчийн туслах М.Ерлан, 2-р байранд аймгийн Онцгой байдлын газрын тамирчин, тус газрын дарга, дэд хурандаа Б.Анхбаяр, 3-р байранд аймгийн Прокурорын газрын “Цэцэн” дартсын клубийн тамирчин, прокурорын туслах М.Берикбол, 4-р байранд аймгийн Шүүхийн “Дэнс” дартсын клубийн тамирчин, Баян-Өлгий аймаг дахь Сум дундын эрүүгийн хэргийн анхан шатны шүүхийн шүүгч П.Доржбал нар тус тус шалгарч, өргөмжлөл, мөнгөн шагналаар шагнууллаа.

Эмэгтэйчүүдийн ганцаарчилсан төрөлд 1-р байранд Баян-Өлгий аймгийн Прокурорын газрын “Цэцэн” дартсын клубийн тамирчин, хяналтын прокурор М.Фарида, 2-р байранд тус клубийн тамирчин, прокурорын туслах Б.Номин-Эрдэнэ, 3-р байранд Баян-Өлгий аймгийн Шүүхийн “Дэнс” дартсын клубийн тамирчин, шүүхийн архив бичиг хэргийн эрхлэгч Ж.Ахмарал нар тус тус шалгарч, өргөмжлөл, мөнгөн шагналаар шагнуулжээ.