“ДАРТС”-ЫН АВАРГА ШАЛГАРУУЛАХ 2 ДАХЬ УДААГИЙН ТЭМЦЭЭН АМЖИЛТТАЙ ЗОХИОН БАЙГУУЛАГДЛАА

• 2019-11-28

Шүүхийн Тамгын газраас Анхдугаар Үндсэн хуулиа баталж, Бүгд Найрамдах улсаа тунхаглан зарласны 95 жилийн ойн баяр, Монгол бахархлын өдрийг тохиолдуулан тус шүүхийн шүүгч, ажилтнуудын нийтлэг сонирхдог спортын төрөл болох “Дартс”-ын спортын байгууллагын аварга шалгаруулах 2 дахь удаагийн тэмцээнийг 2019 оны 11 дүгээр сарын 21-ний өдөр шүүхийн байрандаа зохион явууллаа.

Тэмцээн ганцаарчилсан төрлөөр зохион байгуулагдсан бөгөөд “Дартс” сонирхогч нийт 16 шүүгч, албан хаагчид идэвхтэй оролцсоноос шүүхийн жолооч Т.Ганбаатар 1 дүгээр байр, шүүгч П.Доржбал 2 дугаар байр, шүүхийн Тамгын газрын дарга Б.Ерханат 3 дугаар байранд шалгарч, тус тус өргөмжлөл, мөнгөн шагналаар шагнуулжээ.

Шүүхийн Залуучуудын зөвлөлийн дэргэдэх “Дэнс” дартсын клубээс тус тэмцээнд түрүүлсэн шүүгч, албан хаагчдад Баян-Өлгий аймагт үйл ажиллагаа явуулдаг хууль, хяналт, хүчний байгууллагуудын дунд явагдах нэгдсэн тэмцээний “Дартс”-ын төрөлд багаараа оролцох эрх олгосон байна.

ШҮҮХИЙН ТАМГЫН ГАЗАР

2019.11.22