“ТӨРИЙН БОЛОН АЛБАНЫ НУУЦЫГ ХАМГААЛАХ НЬ” СЭДЭВТ СУРГАЛТ БОЛОВ

• 2020-02-27

Тус шүүхийн Тамгын газраас Тагнуулын Ерөнхий газрын Баян-Өлгий аймгийн Тагнуулын газарт хүсэлт гаргасны дагуу тагнуулын газрын ажилтан Б.Отгонбаатар шүүгч, шүүхийн захиргааны ажилтнуудад “Төрийн болон албаны нууцын тухай хууль”, “Төрийн болон албаны нууцыг хамгаалах нийтлэг журам”, “Монгол улсын шүүхийн төрийн болон албаны нууцыг хамгаалах журам”-тай холбогдуулан сургалтыг тус шүүхийн байранд 2020 оны 02 дугаар сарын 12-ны өдөр зохион байгууллаа. Сургалтаар хууль тогтоомжийн дагуу төрийн албан хаагчийн төрийн болон албаны нууцыг хамгаалах нийтлэг үүрэг, төрийн болон албаны нууцад хамааруулах мэдээллийн талаар шүүгч, ажилтнуудад дэлгэрэнгүй мэдээлэл өгсөн байна.

Мөн албан үүргээ гүйцэтгэх явцдаа олж мэдсэн байгууллагын болон хувь хүний нууцыг хамгаалах, хууль тогтоомжийн биелэлтийг хангах үүднээс шүүгч, шүүхийн захиргааны ажилтнуудаас нууцын баталгаа авах ажлын чиглэлийг танилцуулснаар сургалт ажилттай болж өндөрлөлөө.

БАЯН-ӨЛГИЙ АЙМАГ ДАХЬ ШҮҮХИЙН ТАМГЫН ГАЗАР

2020-02-13