ШҮҮГЧИЙН ТУСЛАХУУД ХУУЛЬЧИЙН СОНГОН ШАЛГАРУУЛАЛТАД ТЭНЦЭЖ, БАТЛАМЖАА ГАРДАЖ АВЛАА

• 2020-12-09

Монголын Хуульчдын холбооны зөвлөлийн 2020 оны 7 дугаар сарын 08-ны өдрийн 12 дугаар тогтоолоор зарлагдсан Хуульчийн сонгон шалгаруулалт 2020 оны 10 дугаар сарын 28-30-ны өдрүүдэд Улаанбаатар хотод зохион байгуулагдсан бөгөөд тус шалгалтад 1340 эрх зүйч бүртгэгдсэнээс 1274 эрх зүйч оролцож, 22 хувь нь буюу 297 хуульч шалгалтад тэнцсэн байна.

Баян-Өлгий аймаг дахь шүүхийн Тамгын газрын шүүхийн захиргааны ажилтнууд буюу анхан шатны шүүхийн Ерөнхий шүүгчийн туслах Т.Айбек /Эрүүгийн хэргийн анхан шатны шүүхийн Ерөнхий шүүгчийн туслах/, Т.Маншүк /Иргэний хэргийн анхан шатны шүүхийн Ерөнхий шүүгчийн туслах/, М.Айдынгүл /Захиргааны хэргийн анхан шатны шүүхийн Ерөнхий шүүгчийн туслах/ нар 2020 оны Хуульчийн сонгон шалгаруулалтад амжилттай оролцож тэнцэн, Монголын Хуульчдын холбооны Хуульчийн мэргэшлийн шалгалтын асуудал эрхэлсэн хорооны 2020 оны 11 дүгээр сарын 27-ны өдрийн шийдвэрээр батламжаа гарджээ.

Хуульчийн сонгон шалгаруулалтад амжилттай оролцож, тэнцсэн Т.Айбек, Т.Маншүк,  М.Айдынгүл нартаа баяр хүргэж, ажлын өндөр амжилт, сайн сайхан бүхнийг хүсэн ерөөе.

ШҮҮХИЙН ХАМТ ОЛОН,

БАЯН-ӨЛГИЙ АЙМАГ ДАХЬ ШҮҮХИЙН ТАМГЫН ГАЗАР

2020-12-09