МОНГОЛ УЛСЫН ШҮҮХИЙН ТУХАЙ /ШИНЭЧИЛСЭН НАЙРУУЛГА/ ХУУЛИЙГ 2021 ОНЫ 3 ДУГААР САРЫН 01-НИЙ ӨДРӨӨС ЭХЛЭН ДАГАЖ МӨРДӨХТЭЙ ХОЛБОГДУУЛАН МОНГОЛ УЛСЫН ДЭЭД ШҮҮХЭЭС ЗОХИОН БАЙГУУЛСАН ЦАХИМ УУЛЗАЛТАД ОРОЛЦЛОО

• 2021-02-08

Монгол Улсын Их Хурлаас 2021 оны 01 дүгээр сарын 15-ны өдөр Монгол Улсын Шүүхийн тухай /Шинэчилсэн найруулга/ хуулийг болон дагалдах хууль тогтоомжийн бусад акт, Монгол Улсын Шүүхийн тухай /Шинэчилсэн найруулга/ хуулийг дагаж мөрдөх журмын тухай хуулийг тус тус баталж, 2021 оны 3 дугаар сарын 01-ний өдөр дагаж мөрдөхөөр хуульчилсан. Үүнтэй холбогдуулан Монгол Улсын Дээд шүүхийн Тамгын газраас Шүүхийн ерөнхий зөвлөл болон нийслэл, орон нутгийн анхан болон давж заалдах шатны шүүхийн шүүгч нартай цахим уулзалтыг 2021 оны 02 дугаар сарын 04-ний өдөр зохион байгууллаа.

Цахим уулзалтад Баян-Өлгий аймаг дахь анхан болон давж заалдах шатны шүүхийн шүүгч, Ерөнхий шүүгчид хамрагдаж, хуулийн төслийг боловсруулах ажлын дэд хэсэгт ажилласан шүүгч, шүүхийн захиргааны ажилтнуудаас хуулийн зарим зүйл, заалтын үзэл баримтлалын талаар тодорхой асуулт асууж, идэвхтэй оролцлоо.

БАЯН-ӨЛГИЙ АЙМАГ ДАХЬ ШҮҮХИЙН ТАМГЫН ГАЗАР

2021-02-08