БАЯН-ӨЛГИЙ АЙМАГ ДАХЬ АНХАН БОЛОН ДАВЖ ЗААЛДАХ ШАТНЫ ШҮҮХҮҮД, ШҮҮХ ДЭХ ЭВЛЭРҮҮЛЭН ЗУУЧЛАГЧИЙН 2021 ОНЫ 10 ДУГААР САРЫН ШҮҮН ТАСЛАХ АЖЛЫН МЭДЭЭ

• 2021-11-03

Баян-Өлгий аймгийн Эрүү, Иргэний хэргийн давж заалдах шатны шүүх нь 2021 оны 10 дугаар сарын 31-ний өдрийн байдлаар анхан шатны шүүхээс шилжүүлсэн иргэний 73, эрүүгийн 46 хэргийг тус тус хүлээн авсан ба өмнөх оны үлдэгдэлтэй хамт нийт иргэний 75 хэргээс 68 хэргийг, эрүүгийн 48 хэргээс 42 хэргийг тус тус шийдвэрлэж, эрүүгийн хэргийн 1 оролцогч давж заалдах журмаар гаргасан гомдлоосоо татгалзсан байна.  

Мөн зөрчлийн 11 хэргийг давж заалдах журмаар хянан шийдвэрлэсэн байна.

Баян-Өлгий аймаг дахь Сум дундын иргэний хэргийн анхан шатны шүүх нь мөн оны 10 дугаар сарын 31-ний өдрийн байдлаар нийт 861 нэхэмжлэл  хүлээн авч, 47 нэхэмжлэлийг хүлээн авахаас татгалзсан бөгөөд 2020 оны тайлангийн эцсийн үлдэгдэл 144 иргэний хэргийн хамт нийт 958 иргэний хэргээс 821 иргэний хэргийг шийдвэрлэж, 137 хэргийн үлдэгдэлтэй ба үүнээс нийт 10 иргэний хэргийг түдгэлзүүлсэн байна. Мөн хэргийн оролцогчдоос шүүхийн шийдвэрийг албадан гүйцэтгүүлэхээр ирүүлсэн нийт 459 хүсэлтэд гүйцэтгэх хуудас бичиж, Баян-Өлгий аймаг дахь Шүүхийн шийдвэр гүйцэтгэх газарт хүргүүлсэн байна.

Баян-Өлгий аймаг дахь Сум дундын иргэний хэргийн анхан шатны шүүх нь 2021 оны 10 дугаар сарын 31-ний өдрийн байдлаар 821 хэрэг шийдвэрлэсэн нь 2020 оны 10 дугаар сартай харьцуулахад 26 %-иар буурсан үзүүлэлттэй байна.

           Баян-Өлгий аймаг дахь сум дундын Эрүүгийн хэргийн анхан шатны шүүх нь 2021 оны 10 дугаар сарын 31-ний өдрийн байдлаар Баян-Өлгий аймгийн Прокурорын газраас шилжүүлсэн 116 хэргийг хүлээж авсан ба өмнөх оны үлдэгдэл 19 эрүүгийн хэргийн хамт нийт 135 эрүүгийн хэргээс 129 хэргийг шийдвэрлэж, 6 хэргийн үлдэгдэлтэй бөгөөд нийт Зөрчлийн 366 хэргийг шийдвэрлэж, 302 хүнд холбогдуулан гүйцэтгэх хуудас бичиж, Баян-Өлгий аймаг дахь Шүүхийн шийдвэр гүйцэтгэх газарт хүргүүлсэн байна.

           Баян-Өлгий аймаг Захиргааны хэргийн анхан шатны шүүх нь 2021 оны 10 дугаар сарын 31-ний өдрийн байдлаар шинээр 78 нэхэмжлэл хүлээн авч, 18 нэхэмжлэлийг хүлээн авахаас татгалзаж, өмнөх оны үлдэгдэл 18 хэргийн хамт нийт 78 захиргааны хэргээс 65 хэргийг шийдвэрлэж, 13 хэргийн үлдэгдэлтэй бөгөөд үүнээс 2 хэргийг түдгэлзүүлсэн байна.

           Баян-Өлгий аймаг дахь Сум дундын иргэний хэргийн анхан шатны шүүх дэх эвлэрүүлэн зуучлагч нь 2021 оны 10 дугаар сарын 31-ний өдрийн байдлаар нийт 577 өргөдөл хүлээн авсан бөгөөд өмнөх оны үлдэгдэл 52 өргөдлийн хамт нийт 629 өргөдлөөс 362 өргөдлийг шийдвэрлэж, 143 өргөдлийг уригдах талын хаяг тодорхойгүй гэх үндэслэлээр, 61 өргөдлийг өргөдөл гаргагчийн шаардлагыг биелүүлсэн гэх үндэслэлээр тус тус татгалзаж, 63 өргөдлийн үлдэгдэлтэй байна.

            Баян-Өлгий аймаг дахь Шүүхийн тамгын газрын Мэдээлэл лавлагааны мэргэжилтэн нь 2021 оны 10 дугаар сарын 31-ний өдрийн байдлаар иргэний 861, захиргааны 78 нэхэмжлэл, эвлэрүүлэн зуучлагчид гаргасан 577 өргөдөл, шүүхийн шийдвэрийг албадан гүйцэтгүүлэхээр гаргасан 459 хүсэлт, өөр шүүхээс даалгавар гүйцэтгүүлэхээр ирүүлсэн 16 материал, давж заалдах журмаар гаргасан иргэний 76 гомдол, хяналтын журмаар гаргасан 27, Захиргааны хэргийн давж заалдах, хяналтын шатны шүүхэд гаргасан 43 гомдлыг тус тус хүлээн авч, холбогдох шүүгч, шүүхийн захиргааны ажилтнуудад хүлээлгэж өгсөн байна.

БАЯН-ӨЛГИЙ АЙМАГ ДАХЬ ШҮҮХИЙН ТАМГЫН ГАЗАР

2021-11-03