ШҮҮХИЙН ЗАХИРГААНЫ АЖИЛТНУУД БАРУУН БҮСИЙН СУРГАЛТАД ОРОЛЦЛОО

• 2022-04-11

Шүүхийн захиргааны ажилтнуудад зориулсан сургалтыг Шүүхийн ерөнхий зөвлөл, Германы Олон Улсын Хамтын Ажиллагааны Нийгэмлэг /GIZ/-тэй хамтран улс орон даяар таван бүсэд нэгэн зэрэг зохион байгуулж байгаа билээ.

Баян-Өлгий, Увс, Ховд, Говь-Алтай, Ховд аймгийн Булган сум дахь сум дундын шүүхийн Тамгын газрын шүүхийн захиргааны ажилтнуудад зориулсан сургалт 2022 оны 04 дүгээр сарын 11, 12-ны өдрүүдэд Ховд аймагт зохион байгуулагдсан бөгөөд уг сургалтын нээлтэд Шүүхийн ерөнхий зөвлөлийн дарга, Хууль зүйн ухааны доктор, профессор Д.Зүмбэрэллхам, Шүүхийн ерөнхий зөвлөлийн гишүүн А.Насандэлгэр нар оролцлоо.

Сургалтад тус шүүхийн Тамгын газрын 10 захиргааны ажилтан хамрагдсан ба 2 өдөр үргэлжилсэн хөтөлбөрийн хүрээнд Баян-Өлгий аймгийн Эрүү, Иргэний хэргийн давж заалдах шатны шүүхийн Ерөнхий шүүгч, сургагч багш С.Өмирбек “Хэргийн хөдөлгөөний удирдлага”, “Шүүхийн мэдээллийн технологи, мэдээллийн аюулгүй байдал” сэдвээр хичээл заалаа.

БАЯН-ӨЛГИЙ АЙМАГ ДАХЬ ШҮҮХИЙН ТАМГЫН ГАЗАР

2022-04-11