“НЭЭЛТТЭЙ ХААЛГАНЫ ӨДӨРЛӨГ” ЗОХИОН БАЙГУУЛЛАА

• 2022-05-02

Монголын хуульчдын холбооны Баян-Өлгий аймаг дахь салбараас Шүүхийн Тамгын газартай хамтран “Хуульчийн про боно өдөрлөг”-ийг 2022 оны 05 дугаар сарын 01-ний өдөр аймгийн төв талбайд зохион байгууллаа.

Энэ удаагийн хуульчийн про боно өдөрлөг улс орон даяар нэгэн зэрэг “Хүүхдийг гэмт хэргээс урьдчилан сэргийлэх нь Та бидний үүрэг”  сэдвээр зохион байгуулагдаж, шүүхийн Тамгын газрын захиргааны ажилтнууд иргэдийн хүссэн асуултад лавлагаа өгч, шүүхэд нэхэмжлэл, гомдол, хүсэлт гаргах загвар, гарын авлага тарааж, шүүхийн болон эвлэрүүлэн зуучлагчийн үйл ажиллагааг танилцуулсан байна.

Өдөрлөгт иргэд олноор хамрагдаж, сонирхсон, мэдэхийг хүссэн асуултынхаа талаар дэлгэрэнгүй мэдээлэл авснаар “Нээлттэй өдөрлөг” амжилттай болж өндөрлөлөө.

БАЯН-ӨЛГИЙ АЙМАГ ДАХЬ ШҮҮХИЙН ТАМГЫН ГАЗАР

2022-05-02