ЕРӨНХИЙ ШҮҮГЧ С.ӨМИРБЕК “ШИЙДВЭРИЙН ТӨСӨЛ БОЛОВСРУУЛАХАД АНХААРАХ АСУУДАЛ” СЭДВЭЭР ХИЧЭЭЛ ЗААЖ, ШҮҮГЧИЙН ТУСЛАХ Ө.МӨНХЦЭЦЭГ МЭРГЭШҮҮЛЭХ СУРГАЛТАД ХАМРАГДЛАА

• 2022-05-06

Монгол Улсын Шүүхийн ерөнхий зөвлөлөөс Шүүхийн тухай хуулийн 72 дугаар зүйлийн 72.1.6 дахь заалтын дагуу “2022 оны шүүхийн захиргааны ажилтныг мэргэшүүлэх сургалт”-ыг улс орон даяар, бүсчилж, үе шаттайгаар зохион явуулж байгаа билээ.

Батлагдсан хөтөлбөрийн дагуу 2022 оны 5 дугаар сарын 5, 6-ны өдрүүдэд Улаанбаатар хот дахь шүүхийн сургалтын “Баян дөхөм” цогцолборт хот, орон нутгийн шүүхүүдийн нийт 55 шүүгчийн туслах, шүүх хуралдааны нарийн бичгийн дарга, эвлэрүүлэн зуучлагчийн туслах ажилтнуудад МУИС-ийн Хууль зүйн сургуулийн багш Д.Энхзул “Иргэний эрх зүйн бодлого бодох аргачлал” сэдвээр, тус сургуулийн багш Т.Золбоо “Эрүүгийн эрх зүйн бодлого бодох аргачлал” сэдвээр, Нийслэл дэх захиргааны хэргийн анхан шатны шүүхийн шүүгч Т.Мөнх-Эрдэнэ “Захиргааны эрх зүйн бодлого бодох аргачлал” сэдвээр, Сонгинохайрхан дүүргийн иргэний хэргийн анхан шатны шүүхийн Үйлчилгээний хэлтсийн дарга Э.Цолмон “Шүүх эрх мэдэл - үйлчилгээ, өнөөгийн байдал, цаашдын чиг хандлага” сэдвээр, сэтгэл зүйч, судлаач Т.Энхгэрэл “Ажлын байрны ачаалал, стресс, түүнийг даван туулах нь” сэдвээр хичээл заалаа.

Түүнчлэн тус аймгийн Эрүү, Иргэний хэргийн давж заалдах шатны шүүхийн Ерөнхий шүүгч С.Өмирбек батлагдсан хөтөлбөрийн хүрээнд, шүүгчийн туслахын Шүүхийн тухай хуулийн 89 дүгээр зүйлийн 89.3.8 дахь заалтад “шүүгчийн удирдлага дор шүүхийн шийдвэр, тогтоол, шүүгчийн захирамжийн төсөл боловсруулах” гэж хуульчилсан чиг үүргээ хэрэгжүүлэхэд нь дэмжлэг үзүүлэх, чадварыг нь дээшлүүлэх зорилготой “Шийдвэрийн төсөл боловсруулахад анхаарах асуудал” сэдвээр хичээл заасан байна.

Тус мэргэшүүлэх сургалтад Баян-Өлгий аймаг дахь Шүүхийн Тамгын газрын шүүгчийн туслах Ө.Мөнхцэцэг танхимаар оролцлоо.

БАЯН-ӨЛГИЙ АЙМАГ ДАХЬ ШҮҮХИЙН ТАМГЫН ГАЗАР

2022-05-06