ШҮҮГЧИЙН ТУСЛАХ М.МАНШУК БАЯН-ӨЛГИЙ АЙМГИЙН 2022 ОНЫ “ХУУЛЬ, ХЯНАЛТЫН БАЙГУУЛЛАГЫН ШИЛДЭГ АЖИЛТАН”-ААР ШАЛГАРЛАА

• 2022-12-31

Баян-Өлгий аймгийн Засаг даргын Тамгын газраас 2022 онд ажил хөдөлмөрөөрөө тэргүүлж, онцгой амжилт гаргасан шилдэг ажилтнуудыг тодруулж, 2022 оны 12 дугаар сарын 30-ны өдөр аймгийн Хөгжимт драмын театрт шагнал гардуулах ёслолын ажиллагааг зохион байгууллаа.

Баян-Өлгий аймгийн 2022 оны “хууль, хяналтын байгууллагын шилдэг ажилтан”-аар тус шүүхийн шүүгчийн туслах, хуульч М.Маншук шалгарсныг аймгийн Засаг даргын орлогч болон Иргэдийн Төлөөлөгчдийн Хурал, Засаг даргын Тамгын газар, Үйлдвэрчний эвлэлүүдийн холбооны төлөөлөл гардуулж, баяр хүргэлээ.

М.Маншук нь шүүхийн байгууллагад 16 дахь жилдээ шүүх хуралдааны нарийн бичгийн дарга, шүүгчийн туслахаар тасралтгүй ажиллаж буй манай хамт олны тэргүүний, шилдэг албан хаагчдын нэг бөгөөд тэрээр 2011 онд хуульчийн сонгон шалгаруулалтад орж тэнцсэн туршлагатай хуульч юм.

Баян-Өлгий аймгийн 2022 оны “Хууль, хяналтын шилдэг ажилтан”-аар шалгарч, шагнуулсан М.Маншyкдээ баяр хүргэж, ажлын өндөр амжилт хүсье.

БАЯН-ӨЛГИЙ АЙМГИЙН ШҮҮХИЙН ХАМТ ОЛОН

2022.12.30