АРХИВЫН БАРИМТАД ТООЛЛОГО ЯВУУЛАХ КОМИССЫН ГИШҮҮД СУРГАЛТАД ХАМРАГДЛАА

• 2023-02-16

Шүүхийн Ерөнхий зөвлөлөөс анхан болон давж заалдах шатны шүүхийн Тамгын газрын дарга болон архив, бичиг хэргийн эрхлэгч, комисст орж ажиллах ажилтнуудад зориулсан сургалтыг 2022 оны 02 дугаар сарын 16-ны өдөр цахим сүлжээгээр зохион байгууллаа.

Уг сургалтад Баян-Өлгий аймаг дахь шүүхийн Тамгын газрын дарга болон Шүүхийн Ерөнхий зөвлөлөөс ирүүлсэн чиглэлийн дагуу Баян-Өлгий аймаг дахь шүүхийн Тамгын газрын даргын тушаалаар салбар архивд хадгалагдаж буй хэрэг, баримтын тоог тогтоох, баримтын бүрдэл, хадгалалт, хамгаалалтын нөхцөл байдлыг нягтлан шалгах комиссын гишүүнээр томилогдсон ажилтнууд цахим сүлжээгээр хамрагдлаа.

Сургалтыг Архивын Ерөнхий газрын Цахим арга зүй хариуцсан ахлах мэргэжилтэн Ц.Долгормаа “Архивын баримтыг цахим хэлбэрт шилжүүлэх арга зүй” сэдвээр, Архивын баримтын тоо бүртгэл, статистик мэдээ хариуцсан мэргэжилтэн Л.Өнөртуяа нь “Архивын баримтад тооллого явуулах арга зүй” сэдвээр тус тус зохион байгууллаа.

БАЯН-ӨЛГИЙ АЙМАГ ДАХЬ ШҮҮХИЙН ТАМГЫН ГАЗАР

2023.02.16