МОНГОЛ УЛСЫН ЕРӨНХИЙЛӨГЧИЙН ЗАРЛИГААР РАЙХАНЫ АСХАБЫЛД МОНГОЛ УЛСЫН ГАВЬЯАТ ХУУЛЬЧ ЦОЛ ХҮРТЭЭЛЭЭ

• 2023-07-07

Тулгар төрийн 2232 жил, Их Монгол Улс байгуулагдсаны 817 жил, Үндэсний эрх чөлөө, тусгаар тогтнолоо сэргээн мандуулсны 112 жил, Ардын хувьсгалын 102 жилийн Үндэсний их баяр наадмыг тохиолдуулан Монгол Улсын Ерөнхийлөгчийн өнөөдрийн зарлигаар ахмад шүүгч Райханы Асхабылд “Монгол Улсын гавьяат хуульч” цол хүртээлээ.

Райханы Асхабыл нь Улаанбаатар хотын хууль цаазын дунд сургууль, МУИС-ийг эрх зүйч мэргэжлээр төгссөн, 1975 оны 7 дугаар сарын 19-ий өдрөөс 1978 оны 6 дугаар сарын 11-ний өдөр хүртэл Баян-Өлгий аймаг дахь Хууль зүйн зөвлөгөө өгөх газарт өмгөөлөгч, хуулийн зөвлөгч, 1978 оны 6 дугаар сарын 11-ээс 1992 оны 7 дугаар сарын 03-ны хүртэл аймгийн хэсгийн ардын 3, 5 дугаар шүүхийн шүүгч, 1992 оны 7 дугаар сарын 03-ны өдрөөс 1993 оны 7 дугаар сарын 05-ны өдөр хүртэл аймгийн шүүхийн орлогч дарга, 1993 оны 7 дугаар сарын 05-ны өдрөөс 1999 оны 10 дугаар сарын 15-ны хүртэл аймгийн шүүхийн шүүгч, 1999 оны 10 дугаар сарын 15-ны өдрөөс 2012 оны 01 дүгээр сарын 16-ны өдөр хүртэл аймгийн Давж заалдах шатны шүүхийн Ерөнхий шүүгчээр ажиллаж байгаад гавьяаныхаа амралтад гарч, улмаар 2014 оны 02 дугаар сарын 04-ээс 2019 оны 07 дугаар сарын 15-ны хүртэл Баян-Өлгий аймаг дахь Сум дундын иргэний хэргийн анхан шатны шүүх дэх орон тооны Эвлэрүүлэн зуучлагчаар ажилласан, үүнд шүүгчээр 34 жил, эвлэрүүлэн зуучлагчаар 5 жил, нийт 39 жил шүүхийн байгууллагад идэвх зүтгэл, санаачилгатай ажиллаж, шүүх эрх мэдлийг хариуцлагатай, бүтээмжтэй хэрэгжүүлэх, шударга ёсыг тогтоох ажилд онцгой хувь нэмэр оруулсан манай нэр хүндтэй, ахмад шүүгчдийн нэг юм. 

Ахмад шүүгч, эвлэрүүлэн зуучлагч Р.Асхабылын шүүхийн байгууллагад 40 гаруй жил тасралтгүй, үр бүтээлтэй ажиллаж, хүний эрх, эрх чөлөөг хамгаалж, зөрчигдсөн эрхийг сэргээн эдлүүлэх, шудрага ёсыг тогтоох, шүүхийн үйлчилгээг иргэдэд хүргэх, шүүн таслах ажлыг хэвийн, асралтгүй явуулах, шүүхийн захиргааны материаллаг суурийг бэхжүүлэх, эвлэрүүлэн зуучлах ажиллагааны хөгжилд оруулсан нөр их хөдөлмөр, хувь нэмрийг нь өндөрөөр үнэлж, Монгол Улсын Ерөнхийлөгчийн зарлигаар “Монгол Улсын Гавьяат хуульч” хэмээх эрхэм цол хүртсэнд баяр хүргэж, эрүүл энх, сайн сайхан бүхнийг хүсэн ерөөе.

Хүндэтгэсэн,

БАЯН-ӨЛГИЙ АЙМГИЙН ШҮҮХИЙН ХАМТ ОЛОН

2023.07.07.