БАЯН-ӨЛГИЙ АЙМАГ ДАХЬ СУМ ДУНДЫН ИРГЭНИЙ ХЭРГИЙН АНХАН ШАТНЫ ШҮҮХИЙН 2024 ОНЫ 1 ДҮГЭЭР УЛИРЛЫН ХЭРЭГ ХЯНАН ШИЙДВЭРЛЭХ АЖИЛЛАГААНЫ ТОВЧ МЭДЭЭ

• 2024-03-27

Баян-Өлгий аймаг дахь сум дундын иргэний хэргийн анхан шатны шүүх 2024 оны 1 дүгээр улирлын байдлаар 352 хэрэг, нэхэмжлэл хүлээн авч, өмнөх оны үлдэгдэл 168 иргэний хэрэгтэй хамт нийт 520 иргэний хэргээс 18 нэхэмжлэлийг хүлээн авахаас татгалзаж, 1 хэргийг шилжүүлж, 1 хэргийг нэгтгэж, нийт 322 иргэний хэргийг шийдвэрлэж, 178 хэргийн үлдэгдэлтэй байна. Үүнийг өмнөх оны мөн үетэй харьцуулбал 25 хэргээр буюу 7,7 хувиар өссөн үзүүлэлттэй байна.

Нийт шийдвэрлэсэн 322 иргэний хэргийг маргааны төрлөөр нь авч үзвэл, Иргэний хуулиар 193 хэрэг шийдвэрлэснээс худалдах, худалдан авах гэрээтэй холбоотой 52, зээлийн гэрээний маргаан 14, түрээсийн гэрээтэй холбоотой 1, ажил гүйцэтгэх гэрээтэй холбоотой 5, банк, зээлийн үйл ажиллагаа эрхлэх эрх бүхий хуулийн этгээдээс зээл олгох гэрээтэй холбоотой 26, гэм хор учруулснаас эд хөрөнгийн хохирол 19, эдийн бус гэм хориг арилгахтай холбоотой 1, иргэний эрх зүйн бусад маргаанаар 75 хэргийг,

Иргэний хэрэг шүүхэд хянан шийдвэрлэх тухай хуулиар 85 хэрэг шийдвэрлэснээс нэхэмжлэгчээс гаргасан хүсэлтийн дагуу хариуцагчийг эрэн сурвалжлах хүсэлт 8, ажиллаж байсан байдлыг тогтоолгох тухай хүсэлт 64, бусад төрлийн хүсэлтээр 13 хэргийг тус тус шийдвэрлэжээ.

Гэр бүлийн тухай хуулиар нийт 24 хэрэг шийдвэрлэснээс гэрлэлт цуцлуулах тухай 19, эцэг тогтоолгох тухай 2, эцэг эх байх эрх хасах 2, бусад маргаан 1 хэргийг шийдвэрлэж, 31 хүүхдэд мөн хуульд зааснаар хүүхдийн тэтгэлэг тогтоосон байна.

Хөдөлмөрийн тухай хуулиар 13 хэрэг шийдвэрлэснээс ажлаас буруу шийдвэрлэсэн 2, ажлаас үндэслэлгүй халагдсан 9, цалин хөлсний маргаан 1, хөдөлмөрийн харилцаатай холбоотой бусад төрлийн 1 маргааныг тус тус шийдвэрлэжээ. Мөн Газрын тухай хуулиар 1, Нийгмийн даатгалын багц хуулиар 1, бусад хуулиар 5 хэргийг тус тус шийдвэрлэсэн үзүүлэлттэй байна.

Иргэний хэргийн анхан шатны шүүхээр шийдвэрлэсэн 322 хэргийн 130 иргэний хэргийг хялбаршуулсан журмаар, 166 хэргийг шүүх хуралдаанаар, 26 хэргийг хэрэгсэхгүй болгож шийдвэрлэсэн ба хэргийн оролцогчдоос улсын тэмдэгтийн хураамжид төлсөн нийт 23,978,026 төгрөгийг улсын орлого болгожээ.

БАЯН-ӨЛГИЙ АЙМАГ ДАХЬ ШҮҮХИЙН ТАМГЫН ГАЗАР

2024-03-27