ШИНЭЭР ТОМИЛОГДСОН ШҮҮГЧДЭД ЕРӨНХИЙЛӨГЧИЙН ЗАРЛИГ ГАРДУУЛЛАА

• 2025-01-02

Монгол Улсын Ерөнхийлөгчийн 2024 оны 12 дугаар сарын 30-ны өдрийн 189 дүгээр зарлигаар Шүүх байгуулах тухай хуулийн шинэчилсэн найруулгыг дагаж мөрдөх журмын тухай хуулийн 2 дугаар зүйлийн дагуу Баян-Өлгий аймаг дахь сум дундын анхан шатны шүүхийн шүүгчээр томилогдсон А.Дауренбек, Б.Мангилик, Х.Мейрамбек, К.Бүлдирген, А.Жархынгүл, Х.Талгат, Б.Болормаа нарт Ерөнхийлөгчийн зарлиг гардуулах ёслолын ажиллагааг 2025 оны 01 дүгээр сарын 02-ны өдөр шүүхийн байранд зохион байгуулж, шинээр томилогдсон шүүгчдэд баяр хүргэж, ажлын амжилт хүслээ.

Мөн Баян-Өлгий аймаг дахь сум дундын анхан шатны шүүхийн шүүгчдийн зөвлөгөөн хуралдаж, Монгол Улсын Шүүхийн тухай хуулийн 36 дугаар зүйлийн 36.8 дахь хэсэгт заасны дагуу Акраны Дауренбекийг тус шүүхийн Ерөнхий шүүгчээр сонгож, тогтоол гаргаснаар шүүхийн шинэ тамгыг Ерөнхий шүүгч А.Дауренбект гардуулан өгч, баяр хүргэлээ.

Шинээр согогдсон Ерөнхий шүүгчид болон сум дундын анхан шатны шүүхийн шүүгчээр шилжин томилогдсон шүүгч нарт баяр хүргэж, ажлын өндөр амжилт хүсье.

БАЯН-ӨЛГИЙ АЙМАГ ДАХЬ ШҮҮХИЙН ТАМГЫН ГАЗАР

2025-01-02